Warning! English learning zone.

  Non podiamos marchar de vacacións de Pascua sen comprobar se o Easter Bunny agochara ovos no patio. Cada vez somos máis rápidos atopándoos e, como premio, comemos ovos de chocolate.

Con motivo da celebración do Mes da Muller, o alumnado de 3º e 4º levou a cabo unha actividade na que investigaron sobre mulleres que dedicaron as súas vidas á protección dos animais en campos como a ciencia, o activismo, a educación ambiental e a defensa dos seus dereitos. E pode haber mellor axuda ca dun animal real para axudarlles a organizar a información? Dificilmente. Por iso, invitamos a Aske -unha simpática cadela- e ao seu guía -Asier- a que nos acompañasen nesta tarefa.                       Sen dúbida, foi unha experiencia tremendamente enriquecedora e motivadora.

  Nesta segunda parte da actividade, o alumnado reflexiona sobre o uso de aplicacións con compañeiros virtuais que usan IA e os riscos de depender demasiado delas. Analizan consellos de bots e deseñan un plan de desconexión propio que lles permita coidar  o seu benestar dixital.

 Na materia de Inglés, alumnado de 3º, 4º, 5º e 6º de Primaria, creou unha sección para o xornal escolar dedicada a animais tan excepcionais, que deixan sen palabras á comunidade científica.

  Para a Semana da Prensa puxemos o foco nalgúns dos seres máis fascinantes do reino animal. Pero, en vez de simplemente ler sobre eles, tocou xogar a ser detectives. As nenas e nenos de 5º e 6º de Primaria tiveron que atopar as pistas colocadas no corredor que leva ata a biblioteca, adiviñar o animal e buscalo nas publicacións colocadas no quiosco de prensa.

Sabedes o que é a pegada dixital? Sodes conscientes da información persoal que compartides en Internet? O alumnado de 5º e 6º de Educación Primaria reflexionou sobre este tema e agora está preparado para ofrecervos algúns consellos. 

Atención "animaleiros"! 2 novas revistas en English chegan á nosa biblioteca animal. Non vos despistedes, que voan! Keep calm! Ademais das revistas tamén temos outras novidades "animaleiras": un libro con datos incribles sobre fauna e a versión "bicheira" do famoso xogo de cartas UNO.