Warning! English learning zone.

 Na materia de Inglés, alumnado de 3º, 4º, 5º e 6º de Primaria, creou unha sección para o xornal escolar dedicada a animais tan excepcionais, que deixan sen palabras á comunidade científica.

  Para a Semana da Prensa puxemos o foco nalgúns dos seres máis fascinantes do reino animal. Pero, en vez de simplemente ler sobre eles, tocou xogar a ser detectives. As nenas e nenos de 5º e 6º de Primaria tiveron que atopar as pistas colocadas no corredor que leva ata a biblioteca, adiviñar o animal e buscalo nas publicacións colocadas no quiosco de prensa.

Atención "animaleiros"! 2 novas revistas en English chegan á nosa biblioteca animal. Non vos despistedes, que voan! Keep calm! Ademais das revistas tamén temos outras novidades "animaleiras": un libro con datos incribles sobre fauna e a versión "bicheira" do famoso xogo de cartas UNO.  

Sabedes o que é a pegada dixital? Sodes conscientes da información persoal que compartides en Internet? O alumnado de 5º e 6º de Educación Primaria reflexionou sobre este tema e agora está preparado para ofrecervos algúns consellos. 

  O M artes de Entroido é unha das xornadas máis festivas do calendario galego.Curiosamente, este ano, coincidiu no calendario coa celebración do Ano Novo Lunar , que en países como Vietnam , China ou Corea do Sur marca o comezo dun novo ciclo segundo o calendario lunar. Xa que Han -a nosa auxiliar de conversa- naceu en Vietnam, pedímoslle que nos explicase tradicións e costumes relacionadas con esta importantísima data.  As familias xúntanse para cear, limpar a casa antes da chegada do novo ano e decorar as vivendas con cores vermellas e símbolos de boa sorte. Tamén é habitual regalar sobres con diñeiro aos nenos como desexo de prosperidade. O que máis nos sorprendeu foi un alimento moi especial que soamente se come ese día debido á dificultade que implica a súa preparación.Podedes velo neste vídeo. https://youtu.be/5TVdbr6QX8E?si=FfWjS-gaajWRMYPL   Como complemento, o alumnado elaborou diferentes versións do  nó da sorte ,  que representa a boa fortuna, a p...

Este curso seguimos coas Aventuras Digicraft . Desta volta, o alumnado de 5º e 6º está aprendendo sobre benestar dixital. A actividade "¿Enganchan o ayudan? Identificando trucos digitales" ensinoulles como diferenciar aplicacións adictivas de aplicacións que axudan a non pasar tempo de máis diante das pantallas. Grazas ao traballo realizado, termos como scroll  infinito,badges,nudges e outros,   xa son ben coñecidos polo alumnado.